Nongpoh, Risaw 31: Ka seng Khasi Students Union Mahatma Gandhi University Unit ha ka 30 tarik Risaw 2025 ka la ioh ban pynskhem ia ka ki nongkitkam ba thymmai jong kane ka unit kaba don ha kane ka shlem ai jinghikai.

Ha kane ka sngi la wan ban pyntian smai  da u samla Pynkmenlang Sanmiet Education Secretary KSU Sengkmie kum u kongsan, u samla Toning Lapang Education Secretary NKHD unit , u bah Ricky Majaw Secretary FKJGP North khasi Hill, ki Nongialam na ki Circle, ki unit , ki samla pule katei ka skullbah , ki nonghikai lem bad kiwei kiwei.

Ha kane ka sngi la pynkhem ia u samla Prokerlius Rynshon kum president katei ka unit, nangta u samla Nickeson Mawlong kum general secretary lem bad ki 17 ngut ki nongkitkam bad 29ngut ki dkhot .

Ha kane ka sngi la don ruh ka jingpynbyrnia lyngba ka put ka rwai bad ki jingshad tynrai da ki nongkitkam ba thymmai katei ka unit.

Haba ai jingkren na ka liang u kongsan u la ong ba kum ki samla pule kiba hap ban iaid ki lynti ki ba eh  ban wad ia ka jingnang jingstad, ki samla pule ki dei ban skhem  la ka nongrim, kiba tip la ka akor ka burom kiba bat la ka tynrai  ki samla pule ki ba kut jingmut kita kein̈ ki samla ki dei ki ba poi sha ka thong.

Shuh shuh u la kyntu kynpham ia ki samla ba ki dei ban long kiba tylli ban iada ia ka jaitbynriew  Khasi hi baroh kawei.