Shillong, Risaw 03: Kawei ka Kali Alto 800 ka la julor hi phum hadien ba twa kynsan ki maw ha ka surok na Laitlyngkot sha Langkyrdem ha ki bynta ka Shnong Pomlum, ba ki maw kiba hap ki la ngat ha katei ka Kali kaba dang iaid ha katei ka surok.
Kane ka jjngjia ka la jia hynnin ka janmiet ha kaba katei ka Kali ka dang iaid na katei ka surok ba dang shna kaba ki dangtih maw tih khyndew bad ha ka jingjur slap ki maw ki la twa kynsan bad ngat ha katei ka Kali haduh ba la julor.
Ha kane ka jingjia, donbok ba ki briew ba shong ha kane ka Kali ki la lait na ka jingmynsaw ba ki la ioh mih kloi na ka Kali bad katei ka Kali pat ka la julor na ka jingngat kynsan ki maw ba twa ha katei ka surok.
Kum ban pynpaw, kane ka jingjia ka la jia ruh hadien ba u SDO ka Pynursla Civil Sub Division ki la mana ban iaid Kali na ka jingjur slap bad twa khyndew ba ka jingshna ia katei ka surok Shillong sha Pynursla bad Dawki ka dang iaid sha parang.
