Shillong, Naitung 05: Ka National People’s Party (NPP) ka long kaba pynkhreh ban iakhun ha ka elekshon Garo Hills Autonomous District Council (GHADC), ong u myntri sorkar.
Ka NPP ka kyrmen ruh ban thaw hi marwei iaka Executive Committee (EC) ha GHADC daka ba kyrmen ba kan ioh khur ia ka jingjop ba palat ia shiteng na ka jingdon ki MDC hapoh ka Iingdorbar (absolute majority).
Haba kren shaki lad pathai khubor u Nongialam ka NPP u badei ruh u Myntri Sorkar u Rallam Sangma u la ong “Ngi la pynkhreh ia ka jingiakhun kaba khlain ha ka elekshon GHADC bad ngi sngewskhem ba ngin ioh ia ka absolute majority”.
U Rakkam u la pynthikna ruh baka NPP kan mih iakhun marwei ia ka elekshon GHADC bad kan ym iatehlok satia bad kiwei pat ki seng sain pyrthei.
“Klet noh ia kiwei ki party ba iasngewthuh jingmut, klet noh ia ka jingwan iatreilang. Ka NPP kan trei shitom ban jop bun paid duh ha GHADC” u la ong.
Haba kyntait iaka jingkam baka elekshon GHADC kadei ban pynkhreh iaka elekshon MLA 2028, u Nongialam ka NPP u la ong “Ka Politics ka dei ka dei kaba pher bha bad ngi khmih lynti ia ki jingmih bapher bapher bad ki jingpynkhreh bapher bapher. Hoid ka jingjop haka elekshon GHADC kan iarap iaka Party ban pyrkhat naka bynta ka elekshon 2028. Khlem pep ka NPP kum ka party, ngi la trei shaid shaid ia ka kam. Ngim khein sting satia ia ka kam”.
U Rakkam u la pynpaw ba ka NPP kan pynleit jingmut ha kaban pynphriang ia ki khubor halor ki jingjop jong ka party ha ki kam bapher bapher khamtam ban kyntiew iaka Jylla lyngba ki kam pynroi.
“Hynrei, ki dang don shibun kiba hap ban pynjanai hynrei ngi la pyni sha ki paidbah ka Jylla bad ki paidbah ka Ri-lum Garo. Peit ia ki surok kiba itynnad, ki madan ialehkai, ki college ba bun, ki iingskul ba bun. Ngi la pynkha ia baroh ki lain pule ha baroh ki skul Sorkar. Ngi la kyntiew kyrdan bad ai ia ki building ba bha ia ki college. Ai ba ki paidbah kin bishar ia ka jingtreikam jong kane ka Sorkar” ula ong haba kyntu ia ki nongthep vote ba kin bishar ia ka jingtreikam ka Sorkar.
