Nongpoh, Jymmang 14: Khyndiat Taiew mynshwa ba ki nongialam ka Synjuk ki Rangbah Shnong Rud Wah Umpli, ki la leit ban ujor sha u Deputy Commissioner ka Ri Bhoi, ban pynpaw ia ka jingbymhun halor ka jingpyntrei ia ka surok PMGSY na Pahammawlein 20mer shaduh Shakoikuna, namar ka long kaba torti bad jot kloi, kumta ki briew na ka tnat PWD, u Kontraktor lem bad ki briew na ophis u Deputy Commissioner lem bad ki nongialam ka Synjuk, mynta ka sngi, ki la pynlong ia ka jingleit jurip ia shilynter jong katei ka surok bad kaba la lap ba bun ki bynta katei ka surok ka la jot la pra.
Ha katei ka jingleit jurip, kaba la donlang ki briew sorkar, u Kontraktor lem bad ki nongialam Synjuk, ha kaba lyngba katei ka jingleit jurip la lap ba ka jingpyntrei ia katei ka surok kam long kaba pynhun ia ki paidbah bad khamtam haba la lap ba bun ki bynta katei ka surok ki la jot la pra.
PULE RUH ||Â https://meghalayapost.news/news/nongstoin/four-labourers-fall-sick-after-eating-wild-herb-10013263.html
Ha ka jingiakren hapdeng kitei kiba la leit ban jurip, u Kontraktor u la ong ba ym lah ban shna bha ia katei ka surok ha kata ka rukom kaba biang, ka daw hi ka dei namar ba duna eh ka jingpynmang pisa na ka sorkar, namar ka jingpynmang pisa bad ka jingjrong ka surok kam iahap shuh.
Hadien katei ka jingleit jurip, na ka liang ki nongialam katei ka Synjuk, ki la dawa na u Kontraktor uba pynshna ia katei ka surok, ba u dei ban maramot ne shna pynbha noh ia baroh ki bynta ba sniew jong katei ka surok, khnang ba kan nym wanrah jingeh ha ka leit ka wan ki paidbah kiba shong ba sah ha ki shnong kiba don ha katei ka thain.
SA PEIT RUH ||
