Nongpoh, June 23: Ka State Bank of India Nongpoh Branch mynta ka sngi ka la pynlong ia ka SBI Smart Agri Customer Meet, kaba dei kawei na ka jingiakynduh lang naduh ki nongrep, ki nongseng kam lajong, ki ophisar sorkar bad ruh ki heh ka State Bank of India ban ia kren halor ki lad ki lynti ban dang kyntiew ia ki nongrep lyngba ki kam rep ki kam riang kuba dei katkum ka juk ba mynta.
Ia kane ka Smart Agri Customer meet la pynlong ha Risai Conference Hall Nongpoh, ha kaba ha kane ka sngi la wan shim bynta ruh ki heh ka State Bank of India ba kynthup ia u Ejaz Ahmad uba dei u DGM (B&O), ka Kong Serolyne Chyne District Agriculture Officer ka Ri Bhoi, u Pradeep Kumar Bora Professor ka Central Agriculture University, u Dr. H. Talang Senior Scientist ka ICAR bad kynthup ruh kiwei kiwei ki ophisar na ka State Bank of India.
Ka thong kaba hakhmat jong kane ka SBI Smart Agri Customers Meet, ka dei ban pynshlur ia ki nongrep ba kin rep katkum ka rukom rep ka juk stad ba mynta ba kin lah ban kyntiew ia ka ioh ka kot (Sustainable modern agriculture bad lyngba ki kam rep la ban pynkylla dur ia ki nongrep sha ki shnong Nongkyndong (Rural Transformation).
Haba ai jingkren ha kane ka sngi naduh u Ejaz Ahmad uba dei u DGM (B&O) kum u kongsan, ka Kong Serolyne Chyne District Agriculture Officer ka Ri Bhoi, u Pradeep Kumar Bora Professor ka Central Agriculture University bad u u Dr. H. Talang Senior Scientist ka ICAR, ki la ong ban kyntiew ia ka kam rep kam riang bad ia ka ioh ka kot jogn ki nongrep la donkam ban don ka jingiatrei lang na baroh ki liang.
Ha kane ka sngi, na ka liang ka SBI Nongpoh Branch ki la sam ruh ia ka SHG Sanction letters sha kawei na ka kynhun SHG, ba ka bank ka la iarap ia katei ka kynhun ba kin dang lah ban kyntiew ia ki kam rep ki kam riang.
Sa peit ruh
