Nongpoh, Jymmang 30: Ban tip halor ka jingiaid beit ka jingpyntrei ia ki kam pynroi ha ki shnong nongkyndong bad kiba hap ha Jirang C&RD Block, u Bah Sosthenes Sohtun, MLA Jirang, uba dei ruh u Myntri ki kam pynroi ha ki shnong Nongkyndong, u la leit ban jurip ia ka ka jingpyntri ki kam pynroi ha ki shnong bapher bapher kiba hap ha Jirang C&RD Block.
Ha katei ka sngi ba u Bah Sosthenes Sohtun, u la leit ban jurip ia kitei ki shnong, la synran da ka jingdon u Chaitanya Awasthi, IAS, SDO ka Patharkhmah Civil Sub Division, u R. Brahma, Project Director DRDA, u Dr. P. Hajong, BDO ka Jirang Block, ki nongialam shnong lem bad kiwei.
Lyngba katei ka jingleit jurip, u Bah Sosthenes Sohtun, u la ioh ban iakren markhmat bad ki nongialam shnong, ki SHG lem bad kiwei, ha kaba ka jingiakren ka long na bynta ban iaid beit ka jingpyntrei ia ki kam pynroi, ba ka sorkar la pynpoi sha kitei ki shnong kiba hap ha Jirang C&RD Block.
Ki jingpyntrei kiba la leit ban jurip ha katei ka sngi, ki kynthup ia ka jingpyntrei ia ka skim, MGNREGA, ka Swachh Bharat Mission-Gramin (SBM-G), ka Pradhan Mantri Awass Yojana-Gramin (PMAY-G).
Ha katei ka sngi, u Bah Sosthenes Sohtun, u la lah ruh ban aiti da ki kor Komputer sha ki rangbah shnong jong 8 tylli ki shnong, khnang ba kin ioh ban pyndonkam na bynta ki kam shnong kam thaw.
Sa peit ruh
