Shillong, Jymmang 29: U Dr. DRL Nonglait mynta ka jamiet u la hiar sa sha ka thain Sohra ban pynshai halor ka nongrim ka jingiakhun jong u ha kane ka MP election shiteng samoi na ka NPP Party ha ka jingialang kaba la pynlong ha Ïing dorbar Elaka Saitsohpen ha Sohra.
Ha kane ka jingialap election la don ryngkat ruh u Symbut Myntri rangbah ka jylla u Bah Prestone Tynsong, u Nongaiktien ka sorkar u Bah H.M Shangpliang lem bad kiwei ki nongmihkhmat bad ki nongialam na ka party NPP.
Haba pan jingkyrshan na ki paidbah ka thain Sohra ha kane ka election shiteng samoi, u Dr. DRL Nonglait u la pynpaw ba ka dawbah kaba u la mih ban ia khun ha kane ka election ka long ban pynbha iaka imlang ka sahlang, ka synshar ka khadar, ka rukom pyrkhat pyrdain, ka nam ka burom bad ban tei ne saindur na ka bynta bha ka miat jong ki longdien ki mandien jongngi.
Sa Pule Ruh | Na Kad Lingsuin Umroi Pdiang Sngewbhah Ka Sorkar Ïa U Myntri Ka Sorkar Pdeng
Haba kren halor ka kamram kum u nongmihkhmat sha Parliament, u Dr. DRL Nonglait u la ong ba lada ki paidbah kin pynjop, un peit kyrpang ia ki ain kiba la don lypa bad ba la dep ban shna da kita ki nongthaw ain ba ki hap ban pyndonkam hok khlem da pyndonkam bakla.
U la ong ruh ka ain kaba la don lypa ka dei ban treikam hok da kaba ai nuksa kum ka ain kaba kren halor ka Secularism, ka dei ban treikam hok bad baroh ki jaid niam bapher bapher ki dei ban ioh ia ka jinglaitluit ban mane blei khlem kano kano ka jingpynthud kumba la pynkupbor da ka riti synshar ka ri.
Shuhs shuh, u la kren ruh halor shibun ki mat ki jura kiba u angnud ban pyntreikam ban myntoi ka jaid bynriew bad ban pynurlong ia kita ki jingangnud donkam tang ban pynkup bor ne pynjop u paidbah ha kane ka election khnang ba un ioh lad ban kren ha Lok Sabah kadei ka jaka ban kren ia shibun ki mat ba donkam ka jaid bynriew ha ka jylla, u la bynrap.
Sa Peit Ruh
