Kawei ka Tourist Sumo kaba don ïa u number AS 03 BC 6621 kaba dang thmu ban leit sha Guwahati kala kylla lyndang ha surok bah National Highway 6 ha Umlyngkdait Nongpoh, hadien ba kala shah tynrah na krung ha kawei ka trok kaba don ïa u number ML 05 Z 6783 katba ka dang thmu ban knieh ban ïaid shakhmat ïa katei ka trok.
Katkum ka jingïathuh u Rajesh Marbaniang u ba ñiah ïaka trok u la ong ba katei ka sumo kala pynher sted bad katba u dang ïaid haka jaka lajong, kawei ka sumo kala wan kynsan ban ïaid shakhmat bad bad namar ba don kawei ka kali hakhmat, u draibar katei ka sumo u la khun kynsan ïa u steering sha ka jaka ba don ka trok bad long kumba pynshah haduh ba kan da kylla khongpong syndon ha surok bah.
Shuh shuh ha katei ka jingjia ki paidbah kiba shong ha katei ka sumo kila mynsaw malu mala bad pynkit noh sha jaka ai jingsumar.
Ha katei ka jingjia u draibar katei ka trok u la shah ktah kti bad jan poi sha ka jingïashoh ïadat hynrei da ka jingwan poi jong ki pulit la lah ban tem ïa katei ka jingkynad bad ka jingtohkit halor katei ka jingjia ka dang ïaid shakhmat.
