Ka India Tourism Development Corporation Ltd hynnin ka sngi kala ioh ban aiti da ka kali kit nongpang (Ambulance) sha ka Civil Hospital Nongpoh kaba dei ruh shibynta naka skhim Corporate Social Responsibility (CSR) ban ai ka jingshakri sha ki paidbah ka them Ri-Bhoi.
Ïa katei ka Ambulance la pynlait paidbah hynnin ka sngi ha phyllaw jong ka ophis DRDA ha Nongpoh da u Abhilash Baranwal Deputy Commissioner ka Ri-bhoi District haka jingdonlang u Dr Manan Kaushal, Independent Director ka ITDC, u Raja Brahma Project Director ka DRDA, ki ophisar naka tnad ka koit ka khiah bad kiwei kiwei.
Haba kren ha katei ka sngi naka liang u A Baranwal DC ka Ri-Bhoi u la ai ka jingkhublei ba kyrpang ïaka ITDC kaba la pynmang kawei ka Ambulance naka bynta ka Civil Hospital Nongpoh lyngba ka skhim CSR bad kane ka long ka jingmyntoi bad ka jingkyrkhu ïa katei
U la ong ruh ba ka Ri-bhoi District kadei kawei naki district kaba jur ka jingjia aksiden bad donkam shibun ki Ambulance ban kit ïaki nongpang bad kumjuh ruh kiba mynsaw bad kyrmen skhem ba katei ka Ambulance kan long ka jingkyrkhu ïaki paidbah ka dong Ri-Bhoi u la bynrap.
