Nongpoh, Nailur 29: U wei u samla bala tip kyrteng kum u David Marweiñ naka shnong Wahumlalong, Eastern West Khasi Hills u la shah kem noh haki pulit mynta ka sngi ryngkat u drok heroine bala ioh kurup naka met jong u ba don kumba 9.77 gram.
Katkum ka jingtip bala ioh lum la ong ba haka por 12:50 baje eiei ki nongap toll gate haka shnong Pahammawleiñ, 20 mer kila ioh bat ïa uwei u samla ba ñiah ïa kawei ka scooty kaba don ïa u number ML 05 AH 7002 u ba la mynsaw bad da ka jingthmu ban ïarap ïa u bad ha katei ka por ba ki ïarap kala don ruh ka jingsuba ba utei u samla u kit drok haka met jong u, bad haba kylli utei u samla u la phla ba u wan thied drok na ka thaiñ Jorabat bad mar mar la pyntip noh sha u Superintendent of Police ka Ri-Bhoi bad ki pulit kila hiar mar mar sha katei ka jaka ban pynlong ka jingtohkit haka jingdon lang ki nongsakhi.
Pule ruh: Risa Ki Paidbah Ba Wan Poi Ka Team India Bad West Indies Ha Guwahati Shwa Ka 2nd ODI Match
Hadien bala ioh ïaka hukum bad ka jingpynshai kaba janai sha ki nongsakhi la pynlong ïaka jingtalasi katkum ka NDPS Act bad lap ïa kawei ka synduk sabon bala suba ruh ba u dei u heroine bad la pynlong ruh ka jing test ha katei ka jaka ban pynthikna bad u don ruh ka jingkhia kumba 9.77 gram.
Naka liang ki pulit ki dang pynlong shuh shuh ka jingtohkit ïa utei u samla ban lap shuh shuh ïaki briew ba donkti ha katei ka kam.
Peit ruh:
