Ha kawei ka jingjia aksiden kaba shyrkhei uwei u rangbah u la duh noh syndon ïala ka jingim hadien ba u la shah iuh haka trok haduh ban da lwet phom, katba u tei u rangbah u dang thmu ban leit leh Migration Certificate naka bynta u khun.
Kane ka jingjia kala jia hynne ka step haka por 9 baje eiei mynstep, ha kaba uwei u rangbah bala tip kyrteng kum u Tripash Sangma u ba shong ba sah ha 12 mer Jorabat Ri-Bhoi District u dang leit jingleit da ka Scooty kaba don ïa u number AS 01 EA 7149 bad la u jong u khun bala tip kyrteng kum u Master Moncembirth Marak, hynrei ynda poi ha lad Umroi kala don kawei pat ka trok kaba wan kynsan ha katei ka por haduh ba utei u kpa ba ñiah ïaka scooty um lah shuh ban sangeh bad rung beit sha khrum ka trok kaba don ïa u number NL 01 AB 9291 bala ñiah da u Sunil Kumar Jha na Kamrup Assam, haduh ba un da pra syndon phom katba u khun ula mynsaw jur ha katei ka jingjia bad pynkit noh sha Umsning CHC.
Naka liang ki pulit kila rah ruh ïaka met jong utei u rangbah bad pynkit noh sha Civil Hospital Nongpoh ban leh ïaka Post Mortem, bad hadien ka jingkyrpad jong ki bahaiing naka liang u majistor u la pynlait noh bad ka jingtohkit halor katei ka jingjia ka dang ïaid shakhmat.
SHAH IUH U KPA HA LAD UMROI, LAIT IM U KHUN HADIEN BA RUNG KA SCOOTY HA KHRUM TROK
