Shillong, Jylliew 11: U Myntri rangbah ka jylla Meghalaya, u Conrad K. Sangma mynta ka sngi u la ai khublei kyrpang ia u Myntri rangbah ka ri, u Narendra Modi bad kumjuh ruh u myntri ka tnad Finace ka sorkar pdeng, kaba dei halor ka Nongrim kaba ka sorkar pdeng ka la pynlait ia ka khajna (Devolution of Taxes) ha ka sngi Nyngkong jong ka taiew.
Haba kren sha ki lad pathai khubor, u Myntri rangbah ka jylla, u Conrad K. Sangma u la ong kum ban pynshai paidbah sha baroh ba kane ka jingpynlait ia ka khajna ka long kaba ai jingmyntoi ia ka jylla, ka dei namar ba ka sorkar pdeng ka la pynlait haduh 2 instalment ia ka khajna sha ki jylla bapher bapher hapoh ka ri.
U la pynshai ruh ha ka jingshisha man la u bnai ngi ioh tang 1 installment bad mynta pat ka sorkar pdeng ka la pynlait sha man la ki jylla da kaba pynlait haduh 2 installment.
U myntri rangbah ka jylla, u Conrad K. Sangma u la pynpaw ruh ba kane ka jingiarap ka sorkar pdeng ban pynlait ia katei ka khajna (Devolution of taxes) kan iarap ar shah ia ka sorkar jylla bad kine baroh ki urlong ruh ka dei na ka jingsbun mynsiem u myntri rangbah ka ri, u Narendra Modi bad u Myntri sorkar pdeng ba dei peit ia ka tnad Fianced kaba long ka jingkyrmen ia ki paidbah ha ka jingsdang jong kane ka sorkar ba thymmai ha ka ri ba la lamkhmat da u Naredra Modi kum u myntri ka ri.
Shuh shuh, na ka liang u Myntri rangbah ka jylla, u Conrad K. Sangma sa shisien u la ai khublei kyrpang ia ka sorkar dpeng ba ka la pynlait ruh ia ka khajna haduh 1000 klur tang na ka bynta ka jylla Meghalaya bad lyngba kane ka song jingiarap lyngba kata ka khajna (Devolution of Taxes) kan iarap shibun eh ia ka sorkar jylla ban wan rah ia shibun ki kam pynroi bad ki kam kiba ai jingmyntoi na ka bynta ki paidbah ka jylla, u la bynrap.
AI KHUBLEI U MYNTRI RANGBAH KA MEGHALAYA IA KA SORKAR PDENG BA LA PYNLAIT PAIDBAH IA KA KHAJNA
