Shillong, Jylliew 13: Kum u nongialam ba rangbah ka seng Federation of Khasi Jaintia and Garo People (FKJGP) u Bah Dundee C Khongsit mynta ka sngi u la ong,” Kum ki samla ka jaid bynriew ki dei ban long kita kiba kylluid mynsiem ban ai snam, namar lyngba ka jingmih ki samla ban ai snam lah ban pynim ia bun ki mynsiem ba kordor haka khep ka khep kaba ki donkam snam kyrkieh ha ka pang ka shitom”.
Ia kane la pynpaw mynta ka sngi, ba ka seng FKJGP ka la rakhe ia ka World Blood Donor Day ha Nongbah Shillong, ha ha kaba ha ka jingialam jong u kum u President ryngkat ki dkhot ki la mih ban leit ai snam ha kylleng ki jaka ai jingsumar ha Nongbah Shillong.
Ha ka jingialam u President u Bah Dundee C. Khongsit ryngkat ki dkhot, kiba bun na ki dkhot ki la leit ban synniang ia ka snam ha Pasteur Institute, kaba dei kawei na ka jaka pynlang snam kaba la shakri bha ia ki paidbah khamtam kito kiba wan shah sumar ha Ganesh Das Hospital ki hap ban shim snam nangne.
Namarkata, kum u nongialam ba rangbah ka seng, u Bah Khongsit u la pynpaw ba kum ki samla ki dei ban kylluid mynsiem ban synniang ia ki snam sha ki jaka pynlang snam ka sorkar, namar kiba bun ki ba pang ba shitom ki donkam ia ka snam kaba long kawei na ka lad ban lah ban pynim ia ki mynsiem ba kordor ha ka por ba ki donkam snam kyrkieh.
Sa peit ruh
