Shillong, Nailar 24: Hadien hynriew sngi ba la mih ki jingjia ba sngewsih ha Nongbah Shillong ha ka sngi ba pynlong ka KSU ia ka Bike Rally bad ba la la wan rah ruh shibun ki kynrum ki kynram hapoh ka jylla, ka sor jyla mynta ka sngi ka la khot ia kren ia ka KSU halor ki 5 tylli ki mat ba la dawa da ka seng KSU.
Kum ban pynkynmaw, na ki jingjia ha Nongbah Shilong ba ka don ka jingthang Kali bad ka jingpynjulor ia ki Kali na Assam la mih ka jingiakhih ha Jorobat da ki dribar Tourist na Assam bad ki Dribar Tourist na Meghalaya ha Umiam bad ha Byrnihat, ha kaba kane ka la ktah shisha ia ka leit ka wan ki paidbah hapdeng kine ki ar jylla.
Pule ruh: Marak To Head SIT Probing Shillong Bike Rally Violence
Ka la don ruh ka jingiakren hapdeng ki ar sorkar ha Khanapara ba la lamkhmat da u Symbut myntri ka sorkar Assam bad Meghalaya ban wad ia ki lad ban weng noh ia kine ki huri hura bad dang hynnin ka sngi u Blei ruh u Symbut Myntri sorkar ka jylla u Bah Sniawbhalang Dhar ula khot ia kren ia ki dribar tourist na Meghalaya ba la ai por haduh 10 tarik u Nailur 2026 halor ki mad jingdawa ki dribar na Meghalaya.
Haba kren pat sha ki lad pathai khubor mynta kas ngi ha Shillong, u Myntri rangbah ka jylla u Conrad K. Sangma u la ong ba ka sorkar ka la dep phah da ka shithi sha ka KSU ban khot ia kren halor kitei ki 5 tylli ki mat jingdawa ka KSU bad mynta ka sorkar ka ap ia ka jubab ka KSU la ka long mynta ka janmiet ne lashai ka sngi.
Peit ruh:
