Shillong, Naitung 13: U Myntri Rangbah ka Jylla u Conrad K Sangma hynne ka sngi ula pyntip baka Sorkar ka dang bishar, la kan ai jingiarap bailutksan ne em iaki 5 tylli ki longiing jong ki briew kiba la iap hapoh ka pung haka shnong Lapalang East Khasi Hills.
Haba pynpaw iaka jingsngewsih halor kane ka jingjia, u Myntri Rangbah ula ong ba watla kam don kyndon hapoh ka National Natural Disaster Management Act ban siew bailutksan iaki ba khlad haki jaka trei, hynrei ka Sorkar ka sngewkhia namar ki 5 ngut ki lanot kidei kiba wan naki longiing ba duk.
“Ngi dang bishar ban leh iaka ba donkam namar ki lanot kidei kiba wan naki longiing ba duk namar kata ka Sorkar kan shong bishar ban wad ki lad lynti kumno ban iarap iaka longiing jong ki lanot” la ong u Conrad.
U Conrad ula iathuh ba ula ioh pdiang shithi naki nongialam ka National People’s Party (NPP) na Nongkrem bad Nongthymmai.
“Namar kata nga dang bishar kumno nga lah ban iarap ia kine longiing, watla kam don kano kano ka kyndon hapoh ka National Natural Disaster Management Act ban siew bailutksan ha kum kine ki jingjia ba sngewsih” ula ong.
U Myntri Rangbah ula pyntip ruh baka Sorkar kan leh daka ba tyngeh iaki bym bud iaki kyndon ain haba pyntrei ia kum kine ki kam khlem da buh ryntih iaki kyndon ain bad ki kyndon pyntreikam.
Sa peit ruh
