Shillong, Naitung 05: Haba jubab ia ka jingkylli ki nongthoh khubor mynta ka janmiet ha Nongbah Shillong, kiba la kylli halor ka rai jong ka Voice of the People’s Party (VPP) ban tur sha Secretariat lashai ka 6 tarik Nailar, u Conrad K. Sangma, Myntri Rangbah ka Sorkar jylla, u la ong ba ka ka Sorkar ka kloi ban iakren bad kano kano ka kynhun kaba sngewkhia, kiba wanrah ia kino kino ki mat kiba ktah ia u paidbah ha ka jylla.
“Ngi kloi ban iakren, ka jingkhang jong ka Sorkar ka plie beit, ngi ju kdew ba lada don kino kino ki mat kiba ktah iaka bha ka miat u paidbah, ngi long kiba kloi ban iakren ia kano kano ka mat”.
Pule ruh: Khot wer ka Seiñ RaiJ Sohkymphor sha ka lehniam behdeinkhlam ka ban long ha Sohkynphor
Shuh shuh, u Conrad ula ong ruh ba haka synshar paidbah kaba kham kongsan ka long ba lada don kino ki mat ba donkam ban iakren, kum ki Nongmihkhmat ba la jied da ki paidbah, dei ban iakren ne iatai ha Iingdorbar Dorbar Thawain bad khamtam eh ba ka Dorbar Synrai jong ka Meghalaya Legislative Assembly ruh kan sa long noh.
“Namar kata lada don kino kino ki jingsngewkhia ka Sorkar ngim ju khang ia ki jingkhang iano iano ruh na ka bynta ban iakren, kumta lada donkam ban iakren, ngi long kiba kloi beit ban iakren ia kano kano ka mat kaba donkam naka bynta ki paidbah. kata ka long ka nongrim jong ngi” ula ong.
Peit ruh:
