Shillong,  Rymphang 19: Ka tyllong khubor kaba dang shu iohlum, la ioh jingtip ba u Dr. Ricky A.J Syngkon, Member of Parliament (MP) sha Lok Sabha na ka Voice of the People Party (VPP) na Shillong Seat, u la khlad mynta ka janmiet hapoh ka jaka shah sumar ha Dr. H. Gordon Robert Hospital ha Nongbah Shillong ne kaba ju tip paidbah kum ka KJP Hospital Jaiaw.

Ka jingtip kaba la ioh ban lum, la ong ba u Dr. Ricky A.J Syngkon, u la shu kyllon kynsan hapoh ka jaka ialehkai Futsal ha Mawiong, hynrei ha kaba kum katei ka por la rah noh mar mar ia u sha ka jaka sumar ha Dr. H. Gordon Robert Hospital, hynrei haba la poi ha jaka sumar, ki Doktor ki la pynbna ba u Dr. Dr. Ricky A.J Syngkon, u la khlad noh na sla pyrthei.

Shuh shuh, ka jingtip kaba la ioh ban lum, la ong ba u Dr. Ricky A.J Syngkon, u la khlad na kyndit kyndit na ka jingpang ba kyllon kynsan ha ka madan ialehkai Futsal.