Shillong, Naiwieng 04: Ki don ki jingpyntrei iaki skhim bad ki Project kiba sahteng bad ki bym shym la lah ban pyndep naduh ki snem 2002-2003 hapoh Meghalaya.
Ïa kane la lap haka jingïalang jong ka State Level Monitory Committee ban shong bishar halor ka jingpyntreikam iaki Members of Parliament Local Area Development Division Scheme (MPLADS) bala khot da u MP ka Tura u Saleng Sangma haka jingdon u Chief Secretary (CS), ki Nodal Agency bad kiwei ki heh ka Sorkar Jylla.
Haba kren sha ki lad pathai khubor u MP u Saleng Sangma u la ong “Nga dap daka jinglyngoh ba ki don katto katne ki skhim bad ki Project ki bym shym la pyndep naduh 2002-2003 bad naka liang u Chief Secretary u la bthah ïa baroh ki Deputy Commissioner (DC) jong baroh ki District ban pyndep noh hapoh u bnai Nohprah 2024”.
U Saleng u la ïathuh ba ki don ki skhim bad ki Project kim dei kiba heh hynrei ki don kiba T.50 lak, T.3 lak, T.8 lak, T.10 lak hynrei ka long kaei kaei kaba sngewsih ba wat hadien 20 snem, kine ki Project bad ki skhim ki, pat dep satia bad ba ki don ki Project kiba la mang naduh 2014-2015 kiba dang sahteng.
U la iathuh ba na ka liang u Chief Secretary u la dep ban bthah iaki DC ban pynthikna ba dei ban aiti noh ia ki Utilisation Certificate (UC) ha shwa u bnai Nohprah 2024.
“Ngam ong ba baroh ki skhim ne ki Project kiba khlem pat sdang pyntrei, hynrei kidei tang ki kam ba khyndiat eh ban pyndep hynrei watla katta ruh donkam ban pyndep ïa kine ki skhim bad Project bad naka liang u Chief Secretary u la shimkhia ban buddien ïa kine ki kam” u la ong
