Khliehriat, Nailar 24: Ki driver jong ki Karkahana Dewbilat bad ki nongshalan Dewbilat mynta ka sngi ki la ia mih paidbah ban ia khih ha ka ophis jong ki Nongshalan Dewlbilat ha Nongsning ha East Jaintia Hills ban pynpaw ia la ki jingeh kum kita ki Driver kiba ju kit iaki Dewbilat ha kitei ki Karkhana bad jong kito ki nongshalan Dewbilat.
Ha kane ka jingiakhih jongki, ki la rah ruh ia ki placard ban pynpaw ia ki jingdawa jongki bad ruh ha ki placard ki la thoh ruh lyngba ki jingthoh ba wat la ki dei ki Driver ki dei hi ki nongtrei bad ym ki mraw ha kaba ki hap ban ia burom kylliang khamtam ym dei ban pynslem ia ka tulop jongki kaba ki kyrshan ia ka ing ka sem.
Halor kitei ki mat ba ki la rah, kine ki dribar jong ki Karkhana Dewbilat bad ki Nongshalan Dewbilat ha kane ka sngi ki la pan ruh ka jingkyrshan na ka Meghalaya Commercial Truck Owners and Drivers Association (MCTODA) halor kine ki mat jingiakhih ba jai jai jongki.
Pule ruh: Sngewsih u Conrad ba iehnoh kam u Dr. WR Kharlukhi kum u MP barim ka Rajya Sabha
Haba kren halor kine ki jingeh, kitei ki dribar ki la pynpaw ba ka daw kaba ki la mih ban ia khih da kaba jai jai, ka dei namar ba ka duna palat ka tulop ba ki ioh kum ki driver na ki Karkhana Dewlbilat bad kito ki nongshalan Dewbilat.
Ki la pynpaw ruh ba ki la sangeh ban kit Dewbilat la bun sngi mynta ba ki pyrshah halor ka jingbym burom lem ia ki kum kita ki Dribar kiba ju kit ia ki Dewbilat ban pynpoi sha ki jaka bapher bapher.
Peit ruh:
Ki la pynpaw ruh halor kine ki jingeh la ar sien la pan por u Deputy Commissioner ka East Jaintia HIslla ban ia kren halor kine ki jingeh jongki, hynrei kam shym la poi shaei shaei ruh kaba long ka daw kaba ki hap ban shim da kane ka lynti ban iakhih da ka lynti kaba jai jai ban dawa ia la ka hok kum kita ki Driver kiba trei ha ki Kharkhana Dewbiliat bad ha kito ki nongshalan Dewbilat.
