Nongpoh, Naitung 24: Ka kong Christabell Wanniang kaba dei ka Secretary ka CSWO mynta ka sngi ka la ther kylla ia u Rangbah Shnong ka Lumnongrim Dewlieh naduh ki nongialam shnong barim bad ki nongialam shnong ba thymmai ba ka don ia ka sakhi satar halor ki kam bam sap bad kan nym tieng satia ha kaba lada ki dang leh bteng ban bam sam kan nym salia ia ki ban poi wat sha Mawsyntai District Jail ba ka la don lut ki sakhi satar.
Ka Kong Christabell Wanniang ka la mih ban kren sha ki lad pathai khubor, ka dei ruh hadien ba u Rangbah Shnong bad ki nongialam Shnong ka Lumnongrim Dewlieh, ki la pynmih sha ki lad pathai khubor ba ki la dawa ba dei ban pynshai halor ka jingkynnoh bamsap bad ruh ba ki la buh por shi taiew ban pynsai bad lem kumta ka shnong kan leh da kaba tyngeh.
“Nga iarap ia kitei ki khunswet bad ki longing, ka dei namar ba nga lap ba ki la shah nion bein bad shah thombor iaka Meisan jongki, ka Kong Worda Nongbri bad ruh ia ki nongialam shnong ka Lumnongrim Dewlieh naduh ki nongialam ba thymmai bad ki nongialam shnong barim bad shwa ban iaid shakhmat ruh nga la dep ban iaid shwa na ka shnong ba pan jingiarap bad kaba snsgewsih ka long ba ki thet kti bad ki kyntait bad block syndon ruh wat ia u number phone jongka” ong ka Christabell Wanniang.
Ka la pynshai ruh ba ka jingiarap jongka, ka dei na ka bynta ki 6 ngut shi para kiba shah thom bor ia ka meisan jongki ka kong Worda Nongbri, ha kaba ka hymmen ka la khlad noh ba shim kabu ha ka kyrteng ki khunswet ban shna ing na ka skhim PMAY-G bad ruh ka thmu ban thom bor sa ia ki jaka ki puta jong ki 5 ngut shi para bad ia kane ka kam ka la pyrshang ruh ban pan jingiarap na ka shnong ban pynbeit ia kane ka kam bad ki kyntait khlem da patiaw satia.
Ka la kren shai ruh ba ka don ki sakhi satar ia ki kam bamsap ki nongialam shnong naduh ki nongialam ba thymai bad ki nongialam shnong barim bad lada ki kwah ban ia khun halor kane ka kam ka la long kaba la kloi bad ka kloi ruh wat lada dei ban iaid sha high Court ne Supreme Court ban ioh ia ka jingbishar bahok jong ki khun swet bad kitei ki 5 ngut shi para kiba shah thombor ha ka meisan.
Peit ruh:
Shuhs shuh, ka la pynshai ruh ba ki nongialam shnong ba thymmai ruh ha ka jingialam u Bah Bryan Sohkhlet kum u Rangbah Shnong ki thet kti ban iarap ia kitei ki longiong ba shah thombor ha ka meisan, ka dei namar ba kitei ki shi para kim ai jaka ban shna surok ba ki la shu pan ei bad kumno kin shu ai ei ia ka jak aba ka la kot sha ki 10 hajar Sqf bad ruh ba la poi da ki 70 lak tam bad dei tang na kane ka daw kim kloi ban kyrshan ia kitei ki 5 ngut shi para, ka la ong.
