Shillong, Naitung 23: U MLA ka North Shillong constituency u Bah Adelbert Nongrum hynne ka sngi ula pynpaw ba u kyrshan iaka jingdawa ki samla pule ba u Myntri ka tnat pule puthi ka Sorkar Pdeng udei ban hiar shuki mardor.
Ia kane u Bah Adelbert ula pynsngew haba wan ban kyrshan iaka jingialang bala pynlong daka Hynniewtrep Youth Council (HYC) ha Khyndai Lad Shillong ban pynpaw ka jingkyrshan iaka jingiakhih bala pynlong daka ki samla pule ha Jantar Mantar New Delhi.
Lah ban kdew ba hadien ba lait tuh ki kot jingkylli eksmain NEET, ki samla pule kila pynlong ka jingiakhih ha kylleng ka ri India bad ka jingiakhih kaba heh kadei ha Jantar Mantar New Delhi ha kaba kila dawa ruh ba u Myntri ka tnat Pule Puthi ka Sorkar Pdeng udei ban hiar shuki mardor nalor ka jingdawa ban wanrah jingkyll haka rukom treikam ka tnat pule puthi jong ka ri baroh kawei.
Sa pule ruh: Twa Ka Lum Halor Ka Ïing Trep | Khlad Uwei u Rangbah Briew
Haba kren shaki lad pathai khubor u Bah Adelbert ula ong “Nga wan hangne ym tang kum u MLA hynrei nga wan kum u riew paidbah ba don ka jingkitkhlieh iaka jinglong jingman khamtam iaka mat ba ktah iaka lawei jong ki khun samla jong ngi namar shisien ba ngim don shuh ka jingshaniah, hangno ngin don jingkyrmen”.
U Bah Adelbert ula ong ruh ba u wan shim bynta haka jingialang ban pynrem ia kito kiba donkti ban pyllait tuh iaki kot jingkylli eksamin NEET bad dawa naka Sorkar Pdeng ban pynshitom da kaba tyngeh ia kito kiba donkti.
“Nga wan ruh ha kane ka por ban pynpaw iaka jingpynrem kaab jur iaki ba donkti condemn bad pynrem iaka jingdonkti khamtam kita kiba donkti ban pyllait tuh iaki kot jingkylli eksamin NEET, nga dawa ba ki briew kiba donkti ha kane ka kam kidei ban shim iaka jingkitkhlieh” ula ong.
U MLA ka North Shillong u pynrem jur ruh iaki Pulit kiba la thom daka bor pyrshah iaki samla pule kiba dang iai bteng ka jingiakhih ha Jantar Mantar New Delhi. “Kane ka pynpaw ba kim pat ler ban leh iala ka kamram, nga pynrem iaki namar kila iuhroit iaka hok jong ki paidbah ban iakhih katkum ka hok synshar paidbah” ula ong.
Sa peit ruh
