Meghalaya Post, Jylliew 12: Ka khubor ka la saphriang sted bha ha baroh kawei ka pyrthei, ha kaba la mih ka jingkynnoh pyrshah ia u trai ka SpaceX u Elon Musk da kaba kynnoh ba u la shongkha kurim jubor ia arngut ki nongtrei kynthup ia kawei ka samla kaba dang leh intern ne training hapoh ka kompani jong u kaba la tip kum ka SpaceX, da kaba kynnoh ruh ba u Elon Musk u la byrthen ia kawei pat ka nongtrei jong u ba kan kha ia u/ka khun jong u.
Katkum ka khubor ba la pynmih lyngba ka Wall Street Journal bad kiwei kiwei ki Lad Pathai Khubor bna nam jong ka pyrthei ba kynthup naduh ka CNN News18, NDTV bad kiwei kiwei ki la pynmih ia kane ka khubor halor ka jingkynnoh pyrshah ia ka jingiashong kurim jubor da u trai SpaceX u Elon Musk bad ki nongtrei jong u hi.
La thoh ruh ha ka Wall Street Journal, ba kawei na kitei ki nongtrei ba u Elon Musk u la shongkurim, ka la pyntip ia kane ka jingiashong kurim jubor jong u trai ka kompani SpaceX sha u President ka Kompani ka Gwynne Shotwell, hynrei kane ka President ka la kynnoh kylla ba kane ka nongtrei ba la buhrieh kyrteng hana ka la don jingiadei narieh bad u lok jong ka Gwynne Shotwell bad ka Kompani hi ka la dawa ban wengkam noh shisyndon ia kane ka nongtrei.
Halor ki jingkynnoh ba la mih pyrshah ia u Elon Musk, trai ka kompani SpaceX, na ka liang ki bor pulit ka California Civil Right Agency ki la sdang ban pynlong ia ka jingtohkit ban pynshisha ia kine ki jingkynnoh shong kurim jubor u trai ka kompani SpaceX bad ki nongtrei jong kane ka kompani.
PAW KI KHUBOR BA KYNNOH BA SHONG KURIM JUBOR U ELON MUSK TRAI KA SPACE-X BAD KI NONGTREI KA KOMPANI
Recent Comments
on Kyntu u Tengjen Imna Along iaki samla pule ka USTM ban weng ka jingsngew niam bad sngew jaidbynriew
on Kyntu u Tengjen Imna Along iaki samla pule ka USTM ban weng ka jingsngew niam bad sngew jaidbynriew
on Ka phatok kadei kaba pynphrang bad pynsatar mysniem ban ieit ia ka jaid bynriew, ong u President KSU
on Palat 160 Ngut Kiba Khlad, Dang Jah Rngai Daki Hajar Ngut Kynthup 130 Ngut Ki Nong India Ha Nepal
on Shlei um kynsan ha ka Shnong Nepal, iap 17 ngut bad julor bun tylli ki ing ki sem, ki jingdon jingem
on Shlei um kynsan ha ka Shnong Nepal, iap 17 ngut bad julor bun tylli ki ing ki sem, ki jingdon jingem
on Ka PMVDY ka Pynroi ïa Ki Lad Kamai Kiba Lah ban Pynneh Bad Ka Jingpynmih Kam La Jong ha Meghalaya
