Shillong, K’lyngkot 16: Ka sorkar jylla mynta ka sngi ka la pynbna paidbah ia ka kyrteng jong ki 3 ngut ki nongioh khusnam na ka sorkar jylla ba la tip kum ka ‘Meghalaya Day Awards 2026’.

Haba pynbna ia ka kyrteng kitei ki nongioh khusnam haka jingialang ka kynhun ki myntri sorkar mynta ka sngi, u Conrad K. Sangma u la pynbna ia 3 ngut ki kyrteng kiba ioh pdiang ia katei ka khusnam ba kynthup ia u Dr. K.s Nongkynrih uba ioh pdiang ia ‘U Tirot Sing Award’ kiba dei halor ka jingsynñiang ia ka thoh ka tar bad ka jingnang jingstad, u Fr. Binoy Joseph ia ka Patogan N Sangma Award  uba ioh pdiang ia ka khusnam halor ki kam shakri paidbah bad ka Kong Riyolang Dhar ia ka ‘U Kiang Nangbah Award’ kiba dei halor u synniang ban kyntiew ia ki kam ialehkai sports.

La ong ruh ba kine ki nongioh pdiang ia ka khusnam la jied kyrpang halor ki synniang ki bynhei ba ki la synniang ha ki bynta bapher bapher ban kyntiew iaka imlang ka sahlang.

Ia kine ki 3 ngut kiba ioh pdiang ia kane ka khusnam ba kynthup ia u Dr. K.S Nongkynrih, u Fr. Binoy Joseph bad ka Kong Riyolang Dhar yn leh burom bad pynkhamti ia ki khusnam ha katei ka jingrakhe ia ka Meghalaya Day.