Shillong, Jylliew 25:
Ki shipai jong ka Border Security Force (BSF) ha ka 23 tarik jong u bnai Jylliew, 2024 ki la ioh ban pynpulom noh ia ka jingthmu shalan tuh ia ki Masi sha ka ri Bangladesh lyngba ki shnong khappud jong ka South Garo Hills District.
Katkum ka tyllong khubor ba la ioh lum, la iathuh ba ki shiphai jong ka 100 Bn ka BSF hadien ka jingioh jingtip kaba thikna halor ka jingdon jong ki briew kiba thmu ban shalan tuh ia ki Masi sha ka ri Bangladesh, ki la pynlong ia ka jingleit khynra bad ioh ban bat haduh 16 tylli ki Masi.
Kum ban shu pynkynmaw, na ka liang jong ki shipai BSF ki la ioh ban batpalat 3 hajar tylli ki Masi kiba la thmu ban shalan tuh sha ka ri Bangladesh tang mynta u snem 2024.
