Shillong, Naiwieng 10: Hadien ka jinghap ban ia khun pyrshah ban sei ia la ki sap ki phong bapher bapher ha ka jingiakop shad ba la neh kumba 3 bnai ei ei ha Mumbai, u Samla Steve Jyrwa na ka jylla Meghalaya ha kaba khatduh u la ioh ban rah ia ka nam laduh jong ka India’s Best Dancer, Season-4 kaba long ka burom ia ka ing ka sem bad ia ka jylla Meghalaya hi baroh kawei.
Ha ka jingiakhun ia ka Grand Finale, u Steve Jyrwa u la ioh rah ia katei ka nam lahduh hadien ba u la pynrem ia ki snar nongshad ba paw ba kynthup ia u Harsh Keshri, Nextion, Nepo, Akanksha Mishra aka Akina, bad Aditya Malviya.
Hadien ba la ioh rah ia katei ka nam lahduh jong katei ka India’s Best Dancer jong ka Season-4, u Steve Jyrwa nalor ba u l aioh rah ia ka khusnam bad ka kali, u la ioh khur ruh ia ka song pisa kaba T.15 lak kum u lahduh bad u choreographer jong u Raktim Thakuria u la ioh khur ia ka song pisa kaba T. 5 lak.
Shuh shuh, kane ka jingjop jong u, ba la sakhi lang da ka jingdon ka kmie, kiba haing hasem jong u hadien ba la pynbna kum u nongjop, ka long shisha ka lawei ba phyrnai na ka bynta u Steve Jyrwa kum u samla na ka jylla, uba la lah ban poi sha katei ka thong lyngba ki sap shad ba kyrpang kiba u don bad ruh uba la trei shitom ban pyndonknam ho kia ka sap shad jong u.
