Mawkyrwat, Jylliew 11: Kum kawei na ka kynhun Seng Bhalang ba hap ha ka Mawsynram C&RD Block, ka la rai ban pynsangeh noh ia ka jingleit tur sha Secretariat ban pyrshah ia ka sorkar kaba la thmu ban aiti ia ka SAI Computer Ltd ban shimti na ka bynta ban sam bording ilektrik hapoh ka Mawsynram Sub Division.

Kane ka kynhun Seng bhalang ba pyrshah ia ka SAI Computer Ltd ki kynthup ia ka FKJGP, HNYF bad ka HYC, kiba la iatrei lang ban pyrshah ia katei ka Company ban wan sam bording ha Mawsyrnam Sub Division.

Sa pule ruh: Ai Jingthoh Ka KSU Bad FKJGP Sha U Licensing Officer JHADC Ban Dawa Sangeh Ai License Sha Ki Bar Jylla

Haba kren halor kane ka jingpynsangeh leit tur sha Secretariat, u Charman katei ka seng u Bah Tyngshain Ronsang, u la pyntip sha baroh ki paidbah ba ki la rai ban sangeh ban leit tur sha Secretariat, kaba dei hadien ba ka sorkar ryngkat u myntri ka tnad bording ki la sngap ia ka jingdawa bad ki la pynsangeh ia katei ka SAI Computer Limited ban wan sam bording sha katei ka thain ba hap ha ka Mawsynram C&RD Block lane ka Mawsynram Sub Division.

Kum u Chariman u la pynpaw  ruh iaka jingai khublei sha baroh ki paidbah, ki nongialam shnong bad ki para sengbhalang na duh ki nongialam Central body kiba la ai ia ka jingiatrei lang ban pynlong ia kane ka mat kaba jop bad ha kawei ka bynta u la kyntu ruh ia k ipaidbah ba kim dei ban siew ia bill light tad haduh ba ka tnad MePDCL kan wan ban teikam hapoh katei ka Sub Division.

Sa peit ruh