Shillong, Risaw 17: U Nongialam ka Bharatiya Janata Party (BJP) Meghalaya u Bah AL hek uba dei ruh u Myntri Sorkar hynne ka sngi u la pyntip ba shen ka Party kan sa pynbna ia u/ka kyrtong ban iakhun haka ilekshon shiteng samoi na Gambegre constituency.
Haba iakren shaki lad pathai khubor, u Bah Hek u la pynthikna baka Party kan iakhun beit ha kane ka ilekshon shiteng samoi na Gambegre constituency.
U Bah Hek u la kubur ba ki don 2-3 ngut ki briew kiba la pan ia ka Ticket na ka party, watla ka kyrteng kaba hakhmat eh kadei jong u Bernard N Mark.
“Hadien ka jingdon kiba Applai ban ioh Ticket BJP, ka Party kan sa shim ia ka rai kaba biang tam ba iano yn ai ticket. Ngin sa iakynduh ia ki nongialam na Delhi ha ka 21 tarik bad ngin sa don ruh ka jingiakren lyngba ka internet bad ki nongialam ha kaban sei ia u kyrtong” la ong u Bah Hek.
