Nongpoh, Nailar 18: Haba kut noh ka jingai por ka KSU 15 sngi ia ka sorkar jylla ban pynurlong ia ki 5 tylli ki mat jingdawa ba la buh ha khmat ka sorkar jylla, ka la don ka jingthang shaka kali ha ka surokbah National Highway-6 ha Ri Bhoi ha ki ar tylli ki jaka.
Ia kane ka jingthang shaka Kali ym lah ban tip la ki dei ki runar ne ki riew shim kabu bad kane ka jingthang shaka ha kane ka surokbah ka la wan rah ia ka jingtieng jingsyier ia ki paidbah kiba leit ba wan lyngba kane ka surokbah.
Sa pule ruh: Shree Cement Hearing: Irked By Violent Episode, JSU Moves NGT
Kumba la ioh lum jingtip, kane ka jingthang shaka ka dei ha ki ar jaka kawei ha Umling ha ka lad ban leit sha ka ophis u BDO Umling bad kawei pat ka dei ha ka surokbah National Highway-6 ha ki bynta jong ka shnong Mawdiangum.
Ki paidbah kiba la lap ia kane ka jingthang shaka ki la leit ban pynlip noh ia ka ding bad halor kane ka jingjia ki bor pulit ka Ri Bhoi ruh ki la wan poi mardor ban pynlong ia ka jingtohkit ia kito kiba don kti ban thang shaka kaba la pynthud ia ki paidbah nongleit nongwan bad kane ka la pyntieng pynsyier ruh ia ki Kali paidbah kiba iaid lyngba kane ka surokbah ha Ri Bhoi.
Sa peit ruh
