Shillong, Jylliew 23: ka jingjyllei ka khaïi beaiñ ia u droks ha kane ka jylla, ia ka ba mynta ka sngi saitjaiñ kata 22 tarik, u Jylliew, ka kynhun ki pulit Anti Narcotics Task Force (ANTF) kila iohkem ia ki 4 ngut ki nongkhaiï beaiN ia u drok na ar tylli ki jaka jongka nongbah Shillong.
Na ka liang ki pukit ka ANTF ha ryngkat ki bor pulit ka Mawlai Police Station, ki la ioh kem ia ar ngut ki nongkhaiï drok kiba dei na Them Motor ha ka jingkhynra ha IBST, Mawiong, ia kine ki nongkhaïi drok la tip kyrteng kum u Ram Singh 29 snem ka rta bad u Vijay Singh 20 snem ka rta.
Katkum ka jingioh jingtip na ki pulit ANTF ki la iathuh ba la ioh kurup kumba 9 tylli ki synduk sabon ba la thep ia ki da u droks ba don 110.32 gram eiei, artylli ki mobile phone, kawei ka scooty Aprilla kaba khlem la don ia u register number.
Na kawei pat ka jaka, kata na Demthring ka ba hap hapoh ka Madanryting Police Station, ki pulit ANTF ha ka jingkhynra ki la ioh kem 2 ngut ki nongkhaiï droks beain, ba la tip kyrteng kum ka Kong Evanjelyne Thongni na ka shnong Lapalang bad ia u John Robert Kharmyndai ba na ka shnong Nongkyndong.
Ha kane ka jing leit khynra jong ki Pulit ANTF, ki la ioh kurup ia kawei ka synduk sabon kaba don 11.43 gram eiei u droks, artylli ki mobile phone bad ka scooty ka ba don ia u registration number ML 05L 7620.
