New Delhi, Jylliew 23: Ka Party Aam Admi Party kala pynpaw ka jingsngewkhia kaba jur halor ka jinglong jingman jong ka koit ka khiah u Arvind Kejriwal u nongïalam ka AAP ba dei ruh u Myntri Rangbah ka Delhi, namar ka koit ka khiah jong utei u nongïalam kala nang hiar katba nangmih ki sngi naduh ba u shah kem ha kaba ïadei bad ka jyrsieh Policy khaii kyiad.
Kum ban shu pynpaw ba u Arwin Kejriwal u la shah kem haka 21 Lber 2024 haka kynhun Enforcement Directorate halor ka jyrsieh policy khaii kyiad bad naka liang ki nongïalam ka party kila kam ruh ba u Arvind Kejriwal u hiar ruh haduh 8 kilo naduh ba u shah kem namar haka por ba u shah kem u don 70 kilo hynrei mynta u la hiar sha ka 62 kilo.
Naka liang ka party kala kyrpad ruh ban pynjlan biang sa shitaiew ïaka jingai jamin ba shipor namar utei u nongïalam u donkam ruh ban sumar bad ban pynbiang ïaka koit ka khiah.
SNGEWKHIA KA APP ÏAKA KOIT KA KHIAH U ARVIND KEJRIWAL, HIAR HADUH 8 KILO NADUH BA SHAH KEM
