Shillong, Risaw 29: Ka tnat Tourism (Kam jngohkai Pyrthei) ka Sorkar Jylla kala buh ka jingtyrwa ban mang T.418 klur ban pyntrei iaki project bapher bapher hapoh Meghalaya.
Napdeng ka pisa ba kot palat T.418 klur, ka Tnat Tourism kala mang T.191 klur naka Asian Development Bank (ADB) bad T.227 na ka State Plan ka Sorkar Jylla.
Ia kane la pyntip da u Myntri ka tnat Tourism u Bah Paul Lyngdoh hadien ka jingialang bad ki heh Ophisar ka tnat.
“Ka jingialang bishar kam ba kham bun mynta ka sngi ka dei halor ki kam jngohkai, ia kaba phi ia tip ba mynta ngi la poi ha kawei pat ka kyrdan da ka jingioh jingithuh jong ka Shillong kum ka jaka ba iajied bha da ki nongwan shangkai ha u snem 2025” la ong u Bah Paul.
U Bah Paul u la iathuh ba haka jingialang u Commissioner & Secretary bad u Director ka tnat Tourism kila batai bniah iaki project bapher bapher kiba kot shaka T.418 klur ki ban pyntrei mynta ha kylleng ka Jylla.
