Shillong, Risaw 29: Da ka jingsngewkhia kaba jur halor ka jingshah kren jot pyrshah ia ka jaid bynrirew Khasi ,ka Khasi Student Unions (KSU) Bangalore Unit mynta ka sngi ka 29 Tarik Risaw 2024, a leit ban ujor syndon da ka ejehar ha ka ophis u SP Shillong pyrshah ia kawei ka samla ba la tip kyrteng kum a Silvia Tham bad ba la tip paidbah ruh ka Anisha aka lane Queenbed ha ka username jongka account jong ka ha ka rynsan social media ha Instagram, kaba dei halor ka nongrim ka jingkren bein ne kren jot ia ka ka jaid bynriew khasi.
Kumba la pynpaw ha katei ka ejehar, kane ka Silvia Tham ba la tip paidbah ka Anisha, ka dei na ka Shnong ka shnong Nohwet, Pynursla, East Khasi Hills District, Meghalaya bad la kynnoh ba kane ka briew ka la ju ju mlien ban kren bein ia ki jaidbynriew khasi ha ki rynsan Jong ka social media ha instagram.
U President ka KSU Bangalore Unit u Donboklang Nongphud haba kren sha ki lad pathai khubor, u la ong ba ka seng ka shim ia kane ka sienjam ban ujor syndon da ka ejehar ka long ban kyrpad ia ki bor pulit ba kin shim khia pyrshah ia katei ka briew ban leh katkkum ki kyndon ka ain, namar ka dei ka briew kaba la ju mlien ban kren bein ia ka jaid bynriew Khasi.
U la ong ruh ba ka jingleh katei ka briew ban kren beit ne krent jot ia ka jaid byrniew khasi ka la pynthobria ym tang ia ka jaid bynriew bad kane ka ktah ruh wat ia ki kynthei Khasi kiba sah ha Bangalore. U la ong ruh ba kane ka jingwan ujor ejehar ka KSU pyrshah ia katei ka briew ka log ban ai jingsneng ia kane ka briew kaba la nud ban shu kren bein ne kren jot ia ka jaid bynriew.
Na ka liang ka seng ka la kyrpad ruh ia ki bor pulit ba kin kem ia kane ka briew bad ruh ban leh katkum ki kyndon jong ka ain, namar katei ka jingkren beit ne kren jot ia ka jaid bynriew Khasi ka la ktah shisha bad ka buh jingma ruh ia kiwei ki kynthie khasi ba trei shabar ka jylla.
Na ka liang u Emos John Suting u General secretary barim ka KSU, u la ong ba kum ka jaitbynriew Khasi, lada ngi shu sngap ia kane ka jingleh katei ka briew kan pynher mynsiem ne pyntieng ia ki kmie ki kpa bad ia ki khun jong ki kiba trei sha Bangalore bad sha kiwei kiwei ki jylla.
