Longdon, 30 Jymmang: Ha ka jingiaknieh ban rah ia ka nam Third Place ne kyrdan balai ha ka Unity Cup, ka lympung ialehkai phutbol kaba la long ha London, England, ka kynhun ialehkai phutbol ka India ka la shah rem noh da 1-0 ha ka kynhun ialehkai ka Zimbabwe.
Katei ka jingiakhun ban iaknieh ia ka kyrdan balai, ka dei kaba la long ha Valley Stadium ha Charlton, South-East London, England, katba ia katei ka shikol bynta ka Zimbabwe, la thep da u Prince Dube ha ka minit ba 33 jong ka kylla step, ha kaba u la thep ha ka dur jong ka Penalty.
Ha katei ka jingiakhun ka dei ka jingiakhun kaba iakhaid, ha kaba ki rangialehkai ka India ki la lah ban iakhun tyngeh pyrshah ia ka Zimbabwe, ka kynhun ialehkai kaba don ia ki rangialehkai dohlieh dohiong.
Sa pule ruh | Lum Jingïalang Ka KJRMSA Ha Mairang Ban Ïa Kren Ïaki Jingeh Kum Ki Nongshalan Mar
Kum ban shu kdew hangne, ka dei pat ka jingsarong ia ka jylla, namar ha ka kynhun ialehkai ka India la don bynta u Ricky Shabong, u samla Khasi, uba lehkai na ka Punjab Footbal Club bad uba la shah jied ban mihkhmat ia ka India ha katei ka lympung ialehkai.
Ha ka jingialehkai ka India pyrshah ia ka Zimbabwe, u Ricky Shabong, u la ioh ban lehkai baroh ki 90 minit bad uba la lah ruh ban pynpaw pyrthei ia ka sap ialehkai kum u rangialehkai pdeng ba tbit.
Ha katei ka Unity Cup 2026, ka Nigeria ka la long kum ka lahduh hadien ba ka la lah ban pynliem noh ia ka Jamaica da 3-0.
Sa Peit Ruh
