Shillong, Nailur 03: Ka kynhun ialehkai ka Langsning Football Club, kaba la ioh ban iashimbynta bad lehkai ha ka lympung ka Durand Cup 2026, ka la sdang da ka jingjop kaba 5-0 pyrshah ia ka Mumbay Football Club ha ka jingiakhun ha JN Stadium, Nongbah Shillong.
Ha ka jingiakhun hapdeng ka Langsning FC pyrshah ia ka Mumbay FC, ka jingiakhun ha ka kylla step ka la kut ha ka jingiakhaid kaba 0-0, kaba ym don kiba iohlad ban pynkhihjar.
Also read: Will Act Firmly Against Petrol Bomb Attackers: East Khasi Hills DC
Haba bteng ka jingiakhun ha ka kylla miet, ki rangialehkai ka Langsning FC ki la iakhun tyngeh, da ka jingthmu ban pynliem ia ka Mumbay FC bad ha kaba kum katei ka por, ba ki rangialehkai ka Langsning FC, ki la ioh ia ki katto katne ki kabu ba kin pynkhih jar.
Katba ka jingiakhun ha ka kylla miet ka la iaid shakhmat, ka kynhun ialehkai ka Langsning FC, ka la iohlad ban pynkhihjar nyngkong lyngba u Syed Ahmed, uba la thep ha ka minit ba 51 bad 65, bud sa ka kol na u Kyrmenskhem Mukhim ha ka minit ba 89, u Dibormi Chanlang Ki O Kassar ha ka minit ba 90+4’ bad u Samuel Phawa ha ka minit ba 90+5’.
Also watch
