New Delhi, Jylliew 21: Ka Yoga kaba dei kawei na ki hynriew tylli ki sport ba thmu da ka Mission Olympics Cell hapoh ka Sport Minitry, la sngewthuh ba kan ioh noh ia ka jingithuh ban pynrung ha Olympics ha ryngkat bad kiwei ki jingialehkai ba kynthup ia ka T20 cricket, kabaddi, chess, squash bad kho kho.
Lah ban kdew, ba na bynta kiwei, ka Yoga hapoh ka Olympic Games ki lah ban thmu ba ka dei ka jingiakilan met. Hynrei ym ia ki bor pyniaid Sport ka Ri India (India’s sports administrators).
Kumba la ioh jingtip, ba ka jingiakhun ban wanrah ia ka 2036 Olympics ban ioh pynlong ha ka ri India. Ki bor pyniaid ka ri India ki dang treishitom ban pynrung ne ioh ia ka jingithuh ba kyrpang yoga, kaba dei kawei na ki jingialehkai ba khlain hapoh ka ri India katkum ka sport programmes.
Ka jingialehkai Yoga ka dei kawei na ki hynreiw tylli ki jingialehkai ba ka Mission Olympics Cell — jong ka Sports Ministry — ka sngew dei ban ioh ia ka jingithuh kaba kyrpang ia kane ka jingialehkai ha ka lympung ialehkai sport kaba heh jong ka Olympics.
Ia kane ka jingthmu, la dep ia phylliew jingmut nyngkong ha u snem ba la leit ha u bnai Nohprah, kata hadien ar bnai ba u Prime Minister u Narendra Modi u la pynbna paidbah (officially declared) ba ka ri India ka don ka jingthmu bad long kaba kloi ban pdiang ia ka 2036 Olympics ha ka jingialang jong ka tnad Sports Authority of India’s Mission Olympic Cell (MOC). Na ka liang ka MOC ka la kynthup ruh ia kiwei kiwei ki rang bad ki thei ialehkai bna nam kiba la shongthait, ki nongkitkam jong ki synjuk ialehkai bna nam jong ka ri bad ki ophisar jong tnad Sports Ministry and Sports Authority of India.
La pynmih ruh, ia ka jingthoh ia ka rukom pyniaid kaba 6 sla ban ioh ia ka jingbit pynlong ia ka 2036 Olympics, ia kaba la khmieh bniah ruh ha ka The Indian Express, kaba la ban khia halor ka jingdonkam ia ka jingiada bad ka jinglong jingman kaba shngain ban iada na ka jingshah leh beijot katkum ka Prevention of Sexual Harassment (PoSH) bad ka jingiada na ka jingshah leh donbor ki khyllung khynnah katkum ka Protection of Children from Sexual Offences Act (POCSO), ki lad jingiada na ka jingpyndonkam ia ki jingdih bym long bad kiwei kiwei ki mat kiba kongsan.
HA KA 2036 OLYMPICS, YN PYNRUNG KA INDIA IA KA YOGA, KABADDI BAD KHO KHO
