Pom Ka Lok Da U Sdie Iala U Lok Haduh Ba Mynsaw Bad Lyngkien Da Ka Snam Ha Baridua

Nongpoh, Nailur 07:Ha kawei na ka jingjia uwei u rangbah briew u la mynsaw jur bad phlei da ka snam hadien ba u la shah pom da u sdie hala ka jong ka lok ha ka iing sah jong u.

Kane ka jingjia ka la jianha ka shnong Baridua ba hap ha Khanapara Police Station bad la iathuh ba kane ka jingjia ka jia hynnin ka miet ha ka por 9 baje ei ei mynmiet ba ka lok ka la pom iala u Lok da u sdie na ki bynta jong ka khlieh.

Une u rangbah ba la shah pom da u sdie ha ka lok la tip kyrteng kum u Sikander Lyngdoh bad ka kurim jong u pat la tip kyrteng kum ka Poonam Bosper 36 snem ka rta bad hadien ba la dep pom da u sdie ka la phet krad noh ia lade.

Sa pule ruh: Shongkun ka lympung Pynneh La Riti ka KSU RIST-USTM ban pynneh pynsah iala ka tynrai

Ka khubor ba la ioh lum na ki Pulit ka Ri Bhoi la ong ba ki la ioh jingtip ia kane ka jingjia ha ka por 9:11 mynmiet bad la iathuh ba ka lok ka la pom da u sdie na ka jingmih ka huri hura hapdeng shi Lok bad khlem poi pyrkhat katei ka lok ka la pom da u sdie ia la u lok na ki bynta ka khlieh haduh ba u lok u la mynsaw jur bad phlei da ka snam ha katei ka ingsah jong u

La iathuh ruh ba ia une u rangbah la rah noh mardor sha Health City Hospital Guwahati da u para jong une u rangbah u  Santosh Lyngdoh ban ioh ia ka jingsumar kaba mardor halor kitei ki jingmynsaw jong u.

Shuh shuh, la iathuh ba na ka liang ki Pulit ka Khanapara Police Station ki dang pynlong ia ka jingtohkit halor kane ka jingjia bad ruh ban ioh kem ia katei ka kurim u rangbah kaba la phet rieh noh ia lade hadien ba la pom ia la u lok da u sdie kaba la wan rah ka jingmynsaw kaba jur na ki bynta jongka khlieh jong u.

Sa peit ruh