Shillong, Naitung 03: Ka Joint Committee of Local People on Kynshi Hydro Power Project (JCLPKHPP) hynne ka sngi kala pan jingpynshai na u Myntri ka tnat Bording u AT Mondal halor ki kam jong ka Kynshi Hydro Power Project.
Haba kren sha ki lad pathai khubor u Secretary ka JCLPKHPP u Bah Zandy Myrthong u la ong baka Committee kala pan jingshai haba iadei bad ka rai jong ka Sorkar ban iasoi MoU biang bad ka Company M/s Anthena Pvt Ltd, kaba dei ruh ka Company kaba la shah pynduh (Scrap) haki snem bala dep ban pyntrei iaka Power Project ha Kynshi.
U Bah Zandy u la ong ba baroh ki tip baka Sorkar Jylla haki snem bala dep kala khein iap iaka MoU bala ia soi bad ka M/s Anthena Pvt Ltd hynrei mynta pat, ka Sorkar kala iakren bad kane ka juh ka Company ban pyntrei iaka Kynshi Hydro Power Project.
“Ka Committee ka dap daka jingsngewsih halor ka jingslem ban jam shakhmat jong ka Company M/s Anthena Pvt Ltd bad ka jingslem jong ka Sorkar ban leh eiei halor ka Kynshi Hydro Power Project” la ong u Bah Zandy.
U Bah Zandy u la ong baka Committee ka dawa naka Sorkar ban khot iakren hapdeng ka Committee, ki trai jaka bad ka Company M/s Anthena Pvt Ltd would hashuwa ban iaid shakhmat ban pyntyllun iaki kam jong ka Kynshi Hydro Power Project.
