Ka kynhun ialehkai Kriket jong ka Ri India lane ba la ju tip kum ka Men In Blue kaba la dei ban iakhun ia ka jingiakhun kaba khatduh jong ka Group Stage pyrshah ia ka Canada ha ka jingiaid lynti jong ka T20 World Cup 2024, kam shem la ioh satia ban ialehkai hadien ba la hap ban pynsangeh noh ia kane ka jingiakhun da ki bor nongpyniaid namar ka jingjhieh ka madan ialehkai hapoh ka Lauderhill, United States.
Namar ka jingsangeh noh ia ka jingiakhun kaba khatduh jong ka Group Stage, ka India bad ka Canada ki la ioh mar shipoint na kane ka jingiakhun ba la pynsangeh. Watla ka India ka la pyntikna ban jam shaphrang ha ka thup ialehkai jong ka Group A da kaba khur 7 points, bud sa ka USA, Canada, Ireland bad Pakistan ha ka T20 World Cup kaba dang iaid shakhmat ha ka ri United State.
Ka kynhun jong ka Pakistan kaba la tikna ban hiar noh na ka Group A namar ka jingbym lah ban pyni ia ki jingiakhun ne ban treishitom ha kane ka jingiaid lynti ka T20 World Cup, hynrei kan iakhun ia ka jingiakhun kaba khatduh jong kane ka Group Stage mynta ka 16 Jylliew 2024.
Kat haduh mynta, ki kynhun ba kynthup ia ka Australia, West Indies, Afghanistan bad South Africa kin jam shaphrang ha ryngkat ka kynhun jong ka USA, nangta ka kynhun jong ka ri India (Men In Blue) kiban jam sha ka thup ban ia khun pat ia ka Super 8s.
Hap pynsangeh ia ka jingiakhun hapdeng ka India vs Canada, Ki Khubor na ka T20 World Cup 2024:
