Margao, Jylliew 03: Ka shikol kaba la thep da ka Sanfida Nongrum ha ka minit ba 56 jong ka kylla miet, ka la pynlong ia ka kynhun ialehkai phutbol ki kynthei ka India ba kan pynliem noh ia ka kynhun ialehkai ka Bhutan da 1-0 bad rung syndon sha ka Final ha ka SAFF Women’s Championship 2026.
Ha ka jingiakhun Semi Final ba mynta ka janmiet, kaba la long ha Pandit Jawaharlal Nehru Stadium, Margao ha Goa, ka jingiakhun ha ka kylla step ka jingiakhun, ka la kut noh ha ka jingiakhaid kaba ym don kiba lah ban pynkhih jar.
Haba la bteng ka kylla miet ka jingiakhun, ki thei ialehkai ka India ki la iakhun tyngeh bad ha kaba kum katei ka jingiakhun, kaba la pynlong ia ka India ba kan ioh thep kol ha ka minit ba 56 jong ka kylla miet.
Katei ka shikol kaba la thep da ka Sanfida Nongrum, ka la neh haduh ba kut ka jingiakhun bad kaba la biang pura ia ka India ba kan rung sha ka Final ha ka SAFF Women’s Championship 2026.
Ka Sanfida Nongrum kaba la lah ban ialehkai bha ha katei ka jingiakhun bad ioh ruh ban thep kol, kaba la pynlong ia ka ba kan iohpdiang ia katei ka khusnam ‘Player of the Match’ ne ka thei ialehkai ba tbit ha katei ka jingiakhun, kaba dei ruh ka sien ba-ar ia ka Sanfida Nongrum ba kan khun ia ka khusnam ‘Player of the Match’ ha katei ka SAFF Women’s Championship 2026.
Sa peit ruh
