Nongpoh, Jymmang 28: Ka long shisha ka jingsarong ia ka jaid byriew bad iaka jylla hi baroh kawei ha kaba u Samla Jeff Sohtun uba dei Uwei na u dkhot ka Hynniewtrep National Youth Front (HNYF) na Lumparing Laban Circle u la wan rah ia ka jingjop ha ka jingiakhun MMA Fight ha Raipur na ka jylla Chhattisgarh.

Kane ka MMA Fight ka dei kaba la pynlong dang shen ha Raipur ha ka jylla Chhattisgarh ba la tip kum ka Wild-cage and Hades MMA Fight, ha kaba u samla Samla Jeff Sohtun u la lah ban pynlim  ia u Pratham Dogra tang hapoh ka 2 minute jong ka first round kaba dei lyngba kata ka rukom iakhun ba la tip kum ka Rare Neck Choke.

Une u Pratham Dogra u dei u rangiakhun MMA ba la paw bha bad uba ju iakhun na ka Matrix Fight Night  bad ka dei ka sien kaba hynniew ba u Samla Jeff Sohtun u la wan rah nam ha ka jingiakhun MMA kaba mynta ka kynti u iakhun pyrshah ia u Pratham Dogra uba la dei u rangiakhun MMA ba la paw ha ka ri.

Halor kane ka jingwan nam jop u Samla Jeff Sohtun uba dei u dkhot ka HNYF u President ka HNYF Lumparing Laban Circle, ka HNYF Northern Region mynta ka sngi ki la pynkup burom ia u ha MUDA Complex Nongpoh kum ka jingburom ba u la wan rah nam jop kaba long ka jingsarong ym tang ia ka seng HNYF bad ia ka jaid bynriew hi baroh kawei.

Sa Pule Ruh | Da 2-0 kol pynliem ka Jamaica ia ka India ha ka Unity Cup ha London, 30 tarik pyrshah ia ka Zimbabwe

Ha kane ka jingpynkup burom ia u samla Jeff Sohtun la don lang naduh u General Secretary ka Seng kmie u Bah Tyllibor Swer, u President ka HNYF East Khasi Hills u Bah Steve Khyriem, u President ka HNYF North Region u Bah Hesting Lyngdoh, u Vice President u Bah Barnabas Manih, u Secretary u Bah Alfred Mallai, u u Bah Birbor Khongbeh, Sport Secretary, u Bah Donroy Kshiar, Education Secretary lem bad kiwei kiwei ki nongialam bad ki dkhot ka HNYF.

Haba kren ruh sha ki lad pathai khubor u Samla Jeff Sohtun u la ong, ba ha ka jingshisha ka jingiakhun jong u kam dei bad u Pratham Dogra bad ka dei bad uwei pat u rangiakhun MMA bad na ka daw ka jingtam jong u haduh 6 kg la pynsangeh bad ula hap pat ban ia khun bad u Pratham Dogra kaba um poi pyrkhat ban jop ha kaba une u la dei uwei na u rangialehkai MMA ba la paw bha.

U la ong ruh ba kane ka jingjop jong u, kam dei ka jingjop tang ia lade bad ia ka seng HNYF bad ka dei ka jingjop jong ka jaid bynriew kaba ngi donkam ban don ia ka mynsiem jong ka jingiatylli ban tei ia la ka jaid bynriew.

Sa Pule Ruh | Meghalaya CM Says UCC Cannot Be Judged Without Seeing Draft; Notes Tribal Laws Exempted in Uttarakhand, Assam

Shuh shuh, u la ong ruh ba kum u nongiakhun MMA uba la wan rah nam ia ka jylla, u angnud ruh ba ki samla kin mih shakhmat ban pynlut por ha kino kino ki jingialehkai sport, namar ha ka jylla jongngi ruh la bun ki khun samla kiba la ngop ha ki jingdih ba sinew kum ka kyiad bad u drok bad lada ki samla ki pynlut por ha ki kam ialehkai sport kin lait na shibun ki jingsniew kiba ap thap ha ka jingim ki samla.

Na ka laing kitei kitei ki nongialam ka HNYF ruh ki la pynpaw ia ka jingsarong halor kane ka jingwan rah  nam u Samla Jeff Sohtun kaba long ka jingsarong ym tang ia ka ing ka sem bad ia ka seng HNYF, hynrei ka dei ka jingsarong ia ka jaid bynriew hi baroh kawei.

Shuh shuh, ki la ai mynsiem ia u Samla Jeff Sohtun ba un dang iaid shaphrang ha ka jingim ban kiew ha ki kam ialehkai MMA bad ha kajuh ka por ruh ba un ai mynsiem ia kiwei ki khun samla ka jylla ba kin don ia ka mynsiem jong ka jingkitkhlieh na ka bynta ka jaid bynriew bad ym ban shu ngop ha ki kam siew kiba pynjot pynpra ia ka jaid bynriew.

Sa Peit Ruh