U Director jong ka School and Literacy ka jylla Meghalaya, u la pynbna ba baroh ki skul kiba hap hapoh ka Shillong Municipal, la pynbna ban ai shuti ha ka 2 tarik Nailar namar ka jingplie pyrda ia ka Durand Cup 2024 ha madam JNS Polo, Shillong.
Ia kane ka jingpynbna, la pynlait paidbah da u Swapnil Tempe, Director of School and Literacy ka jylla Meghalaya ha ka 31 tarik Naitung 2024.
Ka jingpynbna ban ai shuti ia ki skul kiba hap hapoh ka Shillong Municipal Areas ka long na bynta ban lait na ka jingdheng kali ha ka 2 tarik Nailar namar ka jingplie pyrda ia ka lympung ialehkai football kaba la rim tam ha ka ri India kaba la tip kum ka Durand Cup 2024 ha kaba ka jylla Meghalaya ha ka sien kaba nyngkong eh kan ioh ban pynlong ia kane ka lympung ialehkai football kaba heh ha India.
