Ki dkhot ka Khasi Student Union (KSU) hapoh ka jingialam jong ka Employment Monitoring Cell kila tur sha ophis treikam ka MPSC kaba don ha Lower Lachumeire.
Kane ka jingtur jong ka KSU sha ophis ka MPSC kadei hadien ba lah kut noh ka jingai por ba lah buh da ka seng bad ka MPSC kam shim lah ai jubab halor ki mat jingdawa ba lah buh.
Haki placard, ka KSU kala thoh shibun ki ktien pynrem iaka MPSC kum ‘Ka MPSC kam dei ka nongkynti jong ki lei san snem bad ki heh saipan’, ‘Wat khein ba ngi dei tang ki nongpeit kai, hynrei ngi long ruh ki nonghikai ia kito kiba pyrshang ban pynkynriang daka thok ka jler’.
Hadien ka jingwan iakhih ka KSU, naka liang u Chairman ka MPSC ula kular haka seng, ba yn pyllait paidbah noh iaki Mark Sheets, jong baroh ki samla kiba ialeh iaka eksamin MCS.
Ka KSU kala dawa ruh na u Chairman ka MPSC ban wanrah ka jingkylla haka rukom treikam khnang ban pynthikna ba kan nym don shuh ka kynrum kynram, haka por pynlong iaki eksamin thepkam.
