Nongpoh, Lber 28: U Bah Eddie Kharbani kum uwei u heh nongialam ka UDP ha Ri Bhoi mynta ka sngi u la leit ban pynhap pyrda noh ia ka lympung ialehkai phutbol ka UDP Umsning Circle ba la pynlong ha Madan Umdihar ha Ri Bhoi.

Ha kane ka jingpynhap pyrda ia kane ka lympung ialehkai phutbol la don ryngkat ruh u President ka UDP Umsning Circle u Bah Bias Sylliang, u Secretary u Bah Aibor Syngkli, ka Kong R. Kharlukhi President ka Women UDP Ri Bhoi ryngkat kiwei kiwei ki nongialam ka UDP na Umsning.

Ha kane ka sngi ba la pynkut noh ia kane ka lympung ialehkai phutbol la ia khun pyrshah hapdeng ka Nartap SC pyrshah ia ka Rilong SC bad hapdeng ka jingiakhun ban iaknieh ia ka nam laduh naduh ka kylla step bad haduh ka kylla miet ka Rilong ka la rah ia ka nam jop da kaba pynrem ia ka Nartap da 4 la 3 kol lyngba ka tie breaker.

Ka Rilong kaba long ka nongjop ka la ioh ban khur ia ka song pisa kaba T. 5o hajar ryngkat ka Trophy bad ka Nartap pat ka la ioh ban khur T. 25 hajar ryngkat ka trophy kum ka kynhun ba wan baar.