Nongpoh, 15 Jylliew 2026: Kum ka jingai mynsiem ïa ki nongtrei sorkar kiba la wanrah burom ym tang ïaka district hynrei ïa ka Jylla hi baroh kawei, u Superintendent of Police ka Ri Bhoi District, u Giri Prasad IPS, ryngkat bad u Additional Superintendent of Police, Bah O. Massar, mynta ka sngi ki la pynlong ïa ka jingïakynduh ba kyrpang ha Ophis SP Ribhoi ban Pynpaw iaka jingsngewnguh bad ai khublei ïa u Bah Alan Sun Marbaniang, uba dei u nongïalehkai Arm Wrestling ba pawnam jong ka Jylla Meghalaya.
U Bah Alan Sun Marbaniang, uba trei kum u Pulit hapoh Nongpoh Police Reserve, la ithuh kum uwei na ki nongïalehkai uba trei shitom bad minot thop ha ka kam ïalehkai, bad uba la lah ban rah bun tylli ki nam na ki rynsan bapher bapher, naduh ka jylla, ka ri haduh ka kyrdan ïakob ha ka pyrthei.
Sa pule ruh: Meghalaya Is Now Example Of Economic Growth In NE: Sonowal
Kane ka jingithuh kyrpang ïa u ka long hadien ba u la wanrah nam bad burom da kaba khur ïa ka takma ksiar ha ka lympung “4th PAFI National Arm Wrestling & Para Arm Wrestling Championship 2026” kaba dang shu long shen ha Gujarat.
Haba kren sha ki lad pathai khubor, u SP ka Ri Bhoi District, u Giri Prasad, u la pynpaw ba kane ka jingjop jong u Bah Alan ka dei ka jingsarong ym tang ïa ka tnad Pulit na Ri Bhoi hynrei ïa ka tnat Pulit jong ka Meghalaya hi baroh kawei. U la ong ruh ba ki samla kiba kum u Bah Alan ki long ka nuksa kaba bha eh ïa kiwei pat ki samla ban bud ïa ka lynti jong ka jingtrei shitom bad ka jingminot kaba lah ban ïalam sha ka jingjop bad ban lait ruh na ki jingma bad ki jingsniew kiba bun ha ka imlang sahlang.
Sa peit ruh
