Ka Sreeja Akula ka la thaw ïaka khana thymmai haka World Table Tennis “WTT” Contender kaba la long myn haka sngi u Blei ha Lagos dakaba khur ïaka nam jop haka jingïakhun ba marwei haka Contender Level. Ha kajuh kapor ka la lah ruh ban jop haka jingïakhun doubles jong ki kynthei, bad ka la long syndon kum ka long India marwei ban khur ïa ar tylli ki nam jop haka juh ka lympung jong World Table Tennis.
Lyngba ka jingïoh ban khur ïa katei ka jing jop, ka Sreeja ka la ïoh syndon ban kiew sha ka kyrdan kaba 25 haka jing ïa knieh kyrdan haka Pyrthei baroh kawei bad pynlong syndon ba kan ïoh bat ïaka nam kaba ha khlieh duh Jong ka Ri dakaba shim ïaka kyrdan jong ka Manika Batra, kaba la bat ïaka kyrdan kaba nyngkong napdeng ki nongïalehkai Tatble Tanis kynthei mynta la bun tylli ki snem.
Ia ka Sreeja Akula (la kha haka 31 July 1998) ka dei ka thei ïalehkai Table tennis jong ka Ri India. Sreeja ka dei kaba la jop ruh ar sien ïaka lympung kaba heh jong ka Ri ka “Indian national champion” Bad kaba la ïoh ruh ïaka khusnam Arjuna Award ha u snem 2022 bad mynta ka Sreeja Akula ka la ïoh ban bat ïaka kyrdan kaba ha khlieh duh haka jingïalehkai Table Tennis ba Marwei jong ki kynthei.
