Shillong, Ïaïong 22: Da ki hajar ngut ki paidbah na kylleng ki thain jong ka jylla mynta ka sngi ki la wan tuid sha ka jingïalang ka Voice Of The People Party (VPP) ba la pynlong ha Motphran na ka bynta ban sngap ïa ki 8 tylli ki mat kiba ktah ïa ka jaid bynriew kumba la pynsngew da  u nongïalam ba rangbah ka VPP U Bah Ardent Milelr Basaïawmoit bad uba la shim ruh ïa ka bynta kaba hakhmat eh ban ban pynshai halor kitei ki mat ba la thmu ban pynpaw sha ki paidbah.

La sakhi ruh ba ki paidbah ki la tur sha kane ka jingïalang ban kyrshan ïa ka VPP bad ryngkat ka jingkynoi ka jingrisa ban kyrshan bad khamtam ha ka por ba kren u Bah Ardent la mih ka jingïathap kti bad ka jingïaroh ïa une u nongïalam ba hakhiehduh ka VPP kiba u la ther tyngeh ïaka sorkar bad thmu ruh ban tur sha Secretarïat da ki phew hajar ki paidbah.