Khliehriat, Jymmang 20: Ban dang pynpaw ia ka jingpyrshah kaba jur halor ka public Hearing ka Shree Cement Limited ba la pynbeit ban pynlong ha ka 22 tarik u Jymmang 2026, ki 2 tylli ki seng bhalang ba kynthup ia ka Jaintia Students Union bad ka Jaintia National Council mynta ka sngi ki la tur sa sha ka ophis u Deputy Commissioner ka East Jaintia Hills ban dawa na ka  bor synshar District ban pyndam noh ia katei ka Public Hearing.

Na ka liang ki nongialam ka JSU bad JNC mynta ka sngi ki la tur beit puk sha katei ka ophis treikam u Deputy Commissioner ban rung da ka bor sha ka ophis, na ka bynta ban dawa ban pyndam ia ka Public Hearing bad ki la shah khang lynti noh ha ki bor pulit ka East Jaintia ha ka jingkhang ban rung sha ka ophis u Deputy Commissioner.

Sa Pule Ruh | Ka NPP Kam Don Por Ban Pynbiej Paidbah, Ka Leh Da Ki Kam Ban Myntoi U Paidbah: Dhar

Ha kane ka jingleit tur sha ka ophis u Deputy Commissioner ym tang ba ki la pynpaw ia a jingpyrshah kaba jur ia ka Public Hearing ka Shree Cement, hynrei ki la ia pyrta ruh da ka sur kaba jam ban pyndam shi syndon ia ka Public hearing bad ki pynpaw ruh ia ka jingpyrshah ban wan buh Cement Plant katei ka Shree Cement bad ruh ki l a pynpaw ia ak jingpyrshah ban tih mawshun na Lum Syrman kumba la pyrshah da ki paidbah nongshong shnong ka shnong Daistong.

Ha kane ka jingleit tur sha ka ophis u Deputy Commissioner, nalor ki nongialam bad ki dkhot ka JNC bad ka JSU la don ryngkat lang ruh ki paidbah, kiba pynmih ia kajuh ka sur ban pyrshah jur bad dawa ruh ban pyndam mardor ia ka Public Hearing katei ka Shree Cement Limited ha East Jaintia Hills.

Sa Peit Ruh |