Nongpoh, Naitung 14: Haba ai jingkren ha ha ka jingialang ialap Ilekshon ka NPP na bynta u Dr. DRL Nonglait kaba la long mynta ka sngi ha shnong Mawlyngkhung, Ri Bhoi, u Ma Sniewbhalang Dhar, u la ong ba u itynnad ia ka jinglong lehrit u Dr. DRL Nonglait, namar watla u don ha ka kyrdan kaba heh ne u briew uba la biang pura ka jingnang jingstad bad jingshemphang, hynrei u long u briew uba lehrit ialade bad kaba long kaba donkam ia ki paidbah, ba kin ai jingkyrshan bad ban pynjop don burom ia u ha kane ka Ilekshon MP Shiteng Samoi na Shillong Parliamentary Seat.
Lyngba ki jingkren jong u ha katei ka jingialang ialap Ilekshon, u Ma Sniawbhalang Dhar, u la kren ruh halor ki kam babha ia kaba la leh da ka sorkar kaba la ialam da ka NPP, ha kaba ka la lah ban wanrah ia shibun ki kam pynroi ha ka jylla bad kaba la long ka jingmyntoi na bynta ki paidbah ha kylleng ki shnong ki thaw hapoh ka jylla.
Shuh shuh, u la ong ba dei hapoh ka jingialam ka NPP ia ka sorkar, kaba la pynlong ba ka jylla kan ioh shibun ki surok ha manla ki dong ki thain bad kaba la pynsuk ha ka leit ka wan ki paidbah.
“Ki kam babha kaba la leh da ka sorkar kaba la ialam da ka NPP, kaba la pynlong ia kiba bun ki para MLA na kiwei ki Party, kaba la pynlong ba kin pyniasoh noh ialade sha ka NPP, kata ka nuksa ka dei ia u Dr. Celestine Lyngdoh, MLA Umsning bad u Bah Charles Marngar, MLA Mawhati, kiba dei ki MLA Congress na Ri Bhoi, ba kin pyniasoh noh ialade sha ka NPP” ong u Ma Sniawbhalang Dhar.
Peit ruh:
Namarkata, nga kyrpad ia ki paidbah ha ki dong ki thain bapher bapher ha Ri Bhoi, ba ha kane ka kynti ba mynta, ba kin ai ka jingkyrshan kaba pura bad ba kin pynjop don burom ia u Dr. DRL Nonglait, uba dei u Kyrtong ka NPP ha kane ka Ilekshon MP Shiteng Samoi.
