U Narendra Modi sa shisien pat un sa bam smai biang haka sien kaba lai ban long kum u Myntri Rangbah duh ka ri hadien ka shithi iehnoh kam bala phah sha ka President ka ri. Kum ban shu pynpaw ba ka NDA ka la ioh haduh 293 seat u number ba biang ban thaw sorkar biang naka 543 seats ha iing dorbar ha Lok Sabha.
Ha kane ka elekshon ba mynta ka BJP kala ioh tang 240 seats bad kam pat lah ban thaw sorkar marwei hynrei da ka jingdonlang jong kiwei kiwei ki party haka sorkar NDA kala khot haduh 292 kaba la biang pura ban thaw sorkar bad khmih lynti ba u Narendra Modi un bam smai haka 8 tarik kum u Myntri Rangbah duh ka ri.
Ha katei ka jing bam smai katkum ka khubor bala ioh lum ki nongïalam ba hakhlieh jong ka Ri ba Marjan kum ka Bangladesh, Bhutan, Nepal, Srilanka bad Mauritius kin sa wan ban shim bynta lang haka jingbam smai jong u Modi.
8 TARIK YN BAM SMAI BIANG U NARENDRA MODI KUM U MYNTRI RANGBAH KA RI
