Nongpoh, Jylliew 6: ka HNYF Patharkhmah Circle ryngkat ka jingïatrei lang bad ka Patharkhmah Youth Clu & Social Welfare Organization ha ka 5 tarik u Jylliew 2024, ki la pynlong ïa ka jingrakhe ïa ka sngi pynneh mariang da ka jingïaïaid paidbah bad ruh da ka jingïathung dieng kaba long shi bynta ban pynneh pynsah ïa ka mei mariang bad ruh ban ai jinghikai sha ki paidbah ba ki dei ban sngewthuh ïa ka jingkordor jong ka jingdonkam ban ïada ïa ka mei mariang.
La sdang ban rakhe ïa kane ka sngi pynneh mariang da ka jingïaïaid paidbah ryngkat ki banner bad ki placard halor ka phang ka sngi pynneh mariang ba la shim bynta ki nongïalam seng bhalang, ki nongïalam ka seng samla bad kunjuh khynnah skul na ka skul Patharkhmah Government Higher Secondary School, ka Ezra Academy Secondary School, Patharkhmah bad St.Peters’ Secondary School, Umkadkhor.
Ki nongïalam kiba la ïa don lang ha kane ka sngi ki kynthup ïa u Bah Marcus Marten, President ka HNYF Northern Region, President ka HNYF Patharkhmah Circle Pynkhraw Makri, Bah Tanbor Warjri, President ka Seng Samla Shnong Patharkhmah,Bah Remington Syngkli, Secretary ka Seng Samla Shnong Patharkhmah Bah Ravibanshan Wahlang, bad Secretary ka shnong Patharkhmah Bah Sintalis Syngkli.
Ha kane ka sngi la don ryngkat ruh La don ryngkat ruh I Bah Tambor Lyngdoh (Founding Chairman jong ka CCF), Ka Synjuk ka Hima arliang wah Umiam, Mawphlang Welfare Society, u Bah Felix Pde (Forestry Team Leader) nangta i Kong Dilmida Lyngdoh Nonglait (Socio-Economic Assistant) bad R.O ka tnad Soil Umsong Area Fed Agro Producer Company Limited.
Kum ka jingai mynsiem ha kane ka sngi, la sam ruh ïaki khusnam sha ki nongjop jong ka drawing bad painting competition ba lah pynlong ha ka 3tarik June 2024. Ha kaba ka nongjop ha katei ka competition ka dei ka sala Rediancy Rani na ka Patharkhmah Government Higher Secondary School.
La ioh ruh ban sam ïa ki Certificate of Appreciation ïaki skul kiba la wan ban shim bynta ha kane ka sngi, ka Seng Samla Shnong Patharkhmah, ka Dorbar shnong Patharkhmah, ka seng nongrep bad president ka HYNF North Region u Bah Marcus Marten.
Nalor ki jingsneng ki jingkraw na kitei ki nongïalam kiba la kyntu jur ban pynneh pynsah ïa ka mei mariang bad ban sangeh ïa ka jingpynjot pathar ïa ka mei mariang kaba ktah ïa ka lawei ka jaid bynriew, la pynkut ruh ha kane ka sngi pynneh mariang da kaba la ïa rwai lang ïa ka Ri Bhoi Anthem.
DA KA RALLY ÏAID PAIDBAH BAD THUNG DIENG, RAKHE SNGI PYRNNEH MARIANG HA PATHARKHMAH
RELATED ARTICLES
Recent Comments
on Katba ai jaka ka sorkar ngi pdiang beit tang ban biang ki Driver Trok, dawa pynsted iaka kam: MCTODA
on Meghalaya CM says compensation, loan waiver for ASF-hit farmers difficult; agri policy by October
on Kyntu u Tengjen Imna Along iaki samla pule ka USTM ban weng ka jingsngew niam bad sngew jaidbynriew
on Kyntu u Tengjen Imna Along iaki samla pule ka USTM ban weng ka jingsngew niam bad sngew jaidbynriew
on Ka phatok kadei kaba pynphrang bad pynsatar mysniem ban ieit ia ka jaid bynriew, ong u President KSU
on Palat 160 Ngut Kiba Khlad, Dang Jah Rngai Daki Hajar Ngut Kynthup 130 Ngut Ki Nong India Ha Nepal
on Shlei um kynsan ha ka Shnong Nepal, iap 17 ngut bad julor bun tylli ki ing ki sem, ki jingdon jingem
on Shlei um kynsan ha ka Shnong Nepal, iap 17 ngut bad julor bun tylli ki ing ki sem, ki jingdon jingem
on Ka PMVDY ka Pynroi ïa Ki Lad Kamai Kiba Lah ban Pynneh Bad Ka Jingpynmih Kam La Jong ha Meghalaya
